“Stellantis” Fransadakı mühərrik zavodunu bağlayır

“Stellantis” qrupu Fransanın Duvrin kommunasında yerləşən mühərrik zavodunu bağlayır. 

Avtosfer.az xəbər verir ki, zavodda indiyədək üçsilindrli 1,2 litrlik “Puretech” mühərrikləri istehsal olunurdu. Payızda istehsalın yekunlaşdırılması qərara alınıb. 

Avropa mediasının məlumatına görə, 10 ildən çoxdur istehsal edilən mühərrik “Stellantis” üçün problem mənbəyinə çevrilib. Qazpaylama sistemindəki nasazlıqlara görə qrup geriçağırma kampaniyalarına milyonlarla dollar xərcləyib. Lakin mühərrikin istehsalı dayanmayacaq. Müəyyən təkmilləşməədn sonra güc qurğusu Polşada istehsal ediləcək. 

Duvrindəki zavodda 2000-ci illərədək 6 mindən çox adam çalışsa da, son illərdə işçi sayı ciddi şəkildə azalıb. Buna görə də, istehsalın elektromobilə yönəldilməsi qərara alınıb. 

Bununla belə, əməkdaşların işsiz qoyulması da istisna edilir. Artıq 340 əməkdaş başqa müəssisələrə köçürülüb. Noyabradək pensiya yaşı tamam olmayanlar da digər zavodlarda işlə təmin olunacaqlar.

Vüqar