Təkərlərə azot vurulması nəyi dəyişir?

Son illərdə avtomobillərin təkərlərinə azot vurulması tendensiyası genişlənir. Bəs bunun adi havadan fərqi nədir?

Avtosfer.az xəbər verir ki, aviasiya və avtomobil idmanında təkərlərə azot vurulur. Səbəb bu texnikanın ağır rejimdə işləməsi və qızmasıdır. Belə hallarda təkər partladıqda və ya alışdıqda azot hətta alovu söndürür. Kimyəvi olaraq azotun molekulları havadan daha böyük olduğundan təkərin boşalma dərəcəsi də azdır. 

Lakin bütün bu üstünlüklər yalnız aviasiya və idman sahəsində istifadə zamanı səmərəlidir. Avtomobildə isə vəziyyət başqadır. Minik və ya yük avtomobilində təkər təyyarədəki qədər ani yüklənmir və qızmır. Düzgün texniki qulluq şərti ilə adi hava da kifayətdir. Azot üçün əlavə ödənişə ehtiyac yoxdur. 

Ən əsası isə, azot vurulmasına arxayın olmaq təkərlərin təzyiqinin həftədə bir dəfə yoxlanması tələbini aradan qaldırmır.

Vüqar