Yanğın zamanı elektromobildən ayrılan yüksəkgərginliki batareya

Elektromobillərdə nasazlıq və ya qəza zamanı batareyanın alışması ən ciddi təhlükələrdəndir. Bir qayda olaraq yanan elektromobili söndürmək mümkün olmur. Təhlükə mənbəyi yüksəkgərginliki batareyadır.

Avtosfer.az xəbər verir ki, “Stellantis” qrupunun mühəndisləri qəza zamanı batareyanın maşından ayrılmasını təmin edən “High-Voltage Battery Quick Release System For Vehicle” sistem hazırlayıblar. Sistem artıq ABŞ-də patent alıb.

İdeyaya görə, qəza və ya şiddətli qızma anında sistem batareyanı soyutmaq əvəzinə, onun cərəyan təminatını kəsir və mexaniki olaraq  elektromobildən ayırır. Bunun üçün də xüsusi bərkitmə sistemləri mövcuddur. 

İş bununla bitmir. Batareyası ayrılan elektromobil 12 voltluq akkumulyatorla təhlükəsiz məsafəyə uaqlaşa bilməlidir. 

Sistemi sürücü, sərnişin və ya xilasedicilər aktivləşdirə bilər.  Hələlik patent halında olan ideyanın nə vaxt tətbiq ediləcəyi məlum olmasa da, ciddi maraq doğurub.

Vüqar