Yeni "Niva" layihəsi donduruldu - VİDEO

“Avtovaz” şirkəti “Renault Duster” bazasında hazırlanan yeni “Niva” layihəsini dondurub. 

Avtosfer.az xəbər verir ki, bu barədə rus avtomobil bloqerləri məlumat veriblər. Bloqerlərdən biri bildirib ki, avtomobilin 2028-ci ildə istehsala veriləcəyi deyilirdi. İndi isə bu “dondurulmanın” neçənci ildə açılacağı məlum deyil. 
Digər bir bloqer bildirir ki, layihə artıq missiyasını tamamlayıb: Prezidentə göstərilib, müsbət rəy alınıb, kütlə isə avtomobilin nömrəsini (T-134) sevib. Bundan sonra iş görülməsə də olar. 

Qeyd edək ki, bu, mart ayında Rusiyada dondurulan yeganə avtomobil layihəsi deyil. Bir vaxtlarişlərin sürətlə getdiyi “Atom” elektromobilinin də layihəsi dayandırılıb, digər layihələr isə sürünür.

Vüqar Yaşaroğlu