Yeni sükan mexanizmi gəlir – ŞTURVALSIZ  

Bu məsələ ətrafında müzakirələr 30 ildir davam etsə də, hələlik konkret nəticə yoxdur. Amma bu ilin sonunda konkret modellərin bazara çıxışı gözlənilir. Bəs şturvalsız sükan necə olur?

Avtosfer.az xəbər verir ki, indiyədək istehsal olunan avtomobillərdə sükan çarxı şturvala bərkidilir. Bu detal sayəsində sükan çarxı ilə təkərlər arasında əlaqə yaranır. 
Şturvalsız sistemdə isə sükan çarxının təkərlə birbaşa, sərt əlaqəsi yoxdur. Hər şet kabellə, elektron siqnallarla ötürülür. Həm də, indiki avtomobillərdə sükanın 1 tərəfə tam dönməsi üçün sükan çarxını 1,5 dövr döndərmək lazım gəlir. Şturvalsız sistemdə isə bunu yarım dövrə etmək mümkün olacaq. Məsələn, motosikletdəki kimi.
Şturvalsız sükanla təchiz edilmiş ilk modellər ilin sonunda Avropa bazarına çıxarılacaq. Böyük ehtimalla belə sükanla bazara çıxan ilk model Lexus RZ olacaq.

Vüqar Yaşaroğlu