14 yaşlı oğlan velosipeddən yıxılıb ağır xəsarət aldı - YENİLƏNİB

TƏBİB-dən bildirilib ki, 2012-ci il təvəllüdlü şəxs (kişi cinsli) 28.06.2026-cı il tarixində saat 14:20 radələrində Bərdə Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Pasiyentə ilkin tibbi xidmət göstərilib və daha ixtisaslı tibbi xidmət almaq üçün Respublika Neyrocərrahiyyə Xəstəxanasına təxliyə olunub.

Qapalı kəllə-beyin travması, baş-beynin əzilməsi, mədəcikdaxili qansızma diaqnozları təyin edilən şəxsin müalicəsi tibb müəssisəsinin Reanimasiya şöbəsində davam etdirilir, vəziyyəti orta ağır qiymətləndirilir.

***12:53

Ağdamda 14 yaşlı oğlan velosipeddən yıxılaraq xəsarət alıb.

Avtosfer.az qafqazinfo-ya istinadən xəbər verir ki, hadisə rayonun Quzanlı qəsəbəsində baş verib.

2012-ci il təvəllüdlü Xəyal Anar oğlu Muxtarlı velosiped sürərkən idarəetməni itirərək yıxılıb.

Nəticədə X.Muxtarlı müxtəlif dərəcəli bədən xəsarətləri alaraq Bərdə Diaqnostika Mərkəzinə çatdırılıb. Onun vəziyyəti ağır olduğundan Bakıdakı ixtisaslaşmış xəstəxanaya göndərilib.

Faktla bağlı araşdırma aparılır.