67 yaşlı kişi bıçaqlandı - Arvadı şübhəlidir - YENİLƏNİB

Sumqayıtda ərini bıçaqlamaqda şübhəli bilinən qadın ixtisaslaşmış tibb müəssisəsinə yerləşdirilib.

Avtosfer.az report-a istinadən xəbər verir ki, əməli törətməkdə şübhəli bilinən 61 yaşlı qadın polis əməkdaşları tərəfindən müəyyən edilərək saxlanılıb.

Onun sağlamlıq vəziyyəti nəzərə alınaraq ixtisaslaşmış tibb müəssisəsinə yerləşdirilməsi təmin edilib.

***17:24

Sumqayıtda 67 yaşlı kişi bıçaqlanıb.

Avtosfer.az qafqazinfo-ya istinadən xəbər verir ki, hadisə Corat bağları ərazisində qeydə alınıb.

Belə ki, 1966-cı il təvəllüdlü Qasımova Ramilə Əvdil qızı həyat yoldaşı, 1959-cu il təvəllüdlü Qasımov Nizaməddin Davud oğluna bıçaqla xəsarət yetirməkdə şübhəli bilinir.

Yaralı xəstəxanaya çatdırılıb.

Hadisənin səbəbləri və təfərrüatları araşdırılır.