7-ci mikrorayonda yol çöküb - Maşın batdı - VİDEO - YENİLƏNİB

Bakının Binəqədi rayonunda, S.S.Axundov küçəsindəki iki bina arasında olan yolda yaranan problem həllini tapıb.

Avtosfer.az xəbər verir ki, bu barədə Oxu.Az-a İri Şəhərlərin Birləşmiş Su Təchizatı Xidmətindən məlumat verilib.

Bildirilib ki, sözügedən ünvanda lazımi tədbirlər görülüb və problem aradan qaldırılıb.

"Ötən gün əraziyə baxış keçirən briqada yaxınlıqda digər nəqliyyat vasitəsinin saxlanılması səbəbindən doldurma işlərini həyata keçirə bilməyib. Eyni zamanda, yağan yağışlar torpaqda çökməyə səbəb olub.

Bu gün ərzində lazımi tədbirlər görülüb, ərazi doldurularaq bərpa edilib", - deyə məlumatda vurğulanıb.

***13:18

"Ərazidə kanalizasiya problemi ilə bağlı iş görüblər. Sonra da elə qazılmış vəziyyətdə qoyub çıxıb gediblər. Yağış yağandan sonra isə qazılan torpaq çöküb və vətəndaşın maşını qurumun qazdığı çuxura düşüb. Bu məsuliyyəti daşıyan isə yoxdur",- deyə şikayətdə bildirilir.

Binəqədi Rayonu icra Hakimiyyətindən bildirilib ki, məsələ ilə bağlı əraziyə baxış keçirilib.

"Qeyd olunan problemlə bağlı aidiyyəti üzrə İri Şəhərlərin Birləşmiş Su Təchizatı Xidmətinə müraciət olunub. Məsələ nəzarətimizdədir", - deyə məlumatda bildirilir.

İri Şəhərlərin Birləşmiş Su Təchizatı Xidmətindən isə cavab olaraq qeyd olunub ki, sözügedən ünvanda bir neçə gün öncə tullantı su xətti ilə bağlı qazıntı işləri aparılıb, xətt təmir edilib.

"Ötən gün əraziyə baxış keçirən briqada ərazidə digər nəqliyyat vasitəsinin saxlanılması səbəbindən xəndəyin doldurulmasını həyata keçirə bilməyib. Bu gün ərzində lazımi tədbirlər görüləcək", - deyə məlumatda vurğulanıb./oxu.az

***11:06

Bakıda 7-ci mikrorayonda yol çöküb.

Avtosfer.az baku.ws-ə istinadən xəbər verir ki, bu barədə görüntülər sosial şəbəkələrdə paylaşılıb.

Görüntülərdən aydın olur ki, yolun dağılan hissəsində avtomobil bataraq qalıb.

Sözügedən kadrları təqdim edirik: