Anasının il mərasiminə gedən kişi özünü güllələdi - YENİLƏNİB

Lənkəran rayon sakininin silahdan xəsarət almasının bəzi təfərrüatları məlum olub.

Avtosfer.az xəbər verir ki, Rövşən Tarverdiyevin intihara cəhd etdiyi bildirilir. 

Yaxınlarının sözlərinə görə, R.Tarverdiyev Bakı şəhərində yaşayır və dünən anasının il məclisinə gəlib. 

Həmçinin onun uzun müddət Bakı şəhərində yüksək vəzifələrdə çalışdığı qeyd olunub. 

Hazırda Q. Tarverdiyev yerləşdirildiyi xəstəxanada əməliyyat olunur, vəziyyəti ağır olaraq qalır. 

***

Lənkəran sakini odlu silahdan açılan atəş nəticəsində xəsarət alıb.

Avtosfer.az unikal-a istinadən xəbər verir ki, Lənkəranın Zövlə kənd sakini 1964-cü il təvəllüdlü Rövşən Qələmirzə oğlu Tarverdiyev odlu silahdan açılan atəş nəticəsində xəsarət alaraq rayon mərkəzi xəstəxanasına çatdırılıb.

Ona döş qəfəsinin güllə yarası diaqnozu qoyulub və əməliyyata götürülüb.

Yaxınlarının deməsinə görə, Q.Tarverdiyev Bakı şəhərində yaşayır və dünən anasının il məclisinə gəlib.

Faktla bağlı araşdırma gedir.