Ankarada təyyarədə poverbank alışdı: Sərnişinlər təxliyə edildilər

Türkiyədə "Pegasus Airlines" aviaşirkətinə məxsus təyyarə sərnişinlərdən birinin poverbankının tüstülənməsi səbəbindən uçuş-enmə zolağında dayanıb və sərnişinlər təxliyə olunublar.

Avtosfer.az xəbər verir ki, bu barədə "Turkiye Today" nəşri məlumat yayıb.

Hadisə Ankaradakı hava limanında baş verib.

Ankara-İzmir marşrutu üzrə müntəzəm reys həyata keçirməli olan hava gəmisi uçuş-enmə zolağına doğru hərəkət edərkən sərnişinlərdən birinin poverbankı tüstülənməyə başlayıb. Bundan sonra ekipaj sərnişinlərin təxliyəsi barədə qərar qəbul edib.

Hadisə nəticəsində xəsarət alanların olub-olmaması barədə məlumat verilməyib./Oxu.az