Arvadının iynə vurduğu kişi öldü - YENİLƏNİB

Lənkəran rayonunda 56 yaşlı Rasim Qasım oğlu Qasımov iynədən şoka düşərək ölüb.

Avtosfer.az oxu.az-a istinadən xəbər verir ki, R.Qasımov vəzifəli şəxs imiş.

Belə ki, o, "Azərişıq" ASC-nin idarələrinin birində sahə rəisi vəzifəsində çalışırdı.

***11:23

Lənkəran rayonunda ev şəraitində iynə vurulan şəxs ölüb.

Avtosfer.az xəbər verir ki, hadisə noyabrın 10-u saat 16 radələrində Veravul kəndində baş verib.

1970-ci il təvəllüdlü Qasımov Rasim Qasım oğlu yaşadığı evdə arvadının ona iynə vurması nəticəsində şok keçirib. O, qısa vaxt sonra dünyasını dəyişib.

Faktla bağlı Lənkəran Rayon Prokurorluğunda araşdırma aparılır.