Astarada balıqçılar itkin düşdü - YENİLƏNİB

Astarada dənizdə itkin düşən balıqçılarla bağlı yeni detallar məlum olub.

Avtosfer.az oxu.az-a istinadən xəbər verir ki, Ağadədə Həsənov və Turan Həsənov dünən balıq tutmaq üçün Xəzər dənizinə çıxıblar. Sonra onlardan xəbər olmadığı üçün yaxınları müvafiq orqanlara məlumat veriblər.

Məlumata görə, A.Həsənov 5 gün əvvəl ata olub, T.Həsənov isə 20 gün öncə evlənib.

***12:48

Astarada itkin düşən balıqçıların kimliyi məlum olub.

Avtosfer.az oxu.az-a istinadən xəbər verir ki, itkin düşən şəxslər 1997-ci il təvəllüdlü Turan Həsənov və 1999-cu il təvəllüdlü Ağadədə Həsənovdur.

***11:06

Astara rayonu ərazisində, Xəzər dənizində 2 nəfər itkin düşüb.

Avtosfer.az xəbər verir ki, bununla bağlı Fövqəladə Hallar Nazirliyi (FHN) məlumat yayıb. 

Dərhal nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub və aidiyyəti qurumlar məlumatlandırılıb. 

Hazırda itkin düşdüyü ehtimal olunan şəxslərin axtarışları davam etdirilir.

Əlavə məlumat veriləcək.