Avtobusun önündən qəfil yola çıxan piyada son anda ölümdən döndü - REAL VİDEO

Paytaxtın Xətai rayonu, Əhmədli qəsəbəsində qayda pozan piyada avtomobilin kamerası tərəfindən qeydə alınıb.

Avtosfer.az-ın məlumatına görə, hadisə yanvarın 18-də saat 20:02 radələrində baş verib.

Kadrdan aydın olur ki, piyada yolun kənarında dayanmış avtobusun önündən qəfil  yolu keçməyə çalışıb. Bu zaman o, özünü və ərazidən keçən sürücünü təhlükəyə atıb. Hadisənin baş verdiyi yerdən biraz irəlidə piyada keçidi mövcud olsa da, gənc oğlan məsuliyyətsiz davranaraq müəyyən olunmamış yerdən yolu keçib.

Piyadalar hərəkət zamanı diqqətli olmalı, yalnız işarələnmiş piyada keçidlərindən istifadə etməli və yolları qəfil keçməkdən çəkinməlidirlər. Bu, həm şəxsi, həm də digər yol iştirakçılarının təhlükəsizliyi üçün həyati önəm daşıyır.

Nərmin