Avtomobilində ölü tapılan direktor kimdir? - DOSYE

Gəncə şəhərində alüminium zavodunun direktoru, professor Cəmil Səfərov dünyasını dəyişib.​ Avtosfer.az Ölkə.az-a istinadən xəbər verir ki, onun yaşadığı binanın qarşısında şəxsi avtomobilində ürək çatışmazlığından vəfat etdiyi bildirilir. Vəfat edən direktor eyni zamanda Azərbaycan Texnologiya Universitetinin Kimya və metallurgiya kafedrasının professoru olub. 63 yaşlı direktor bayram ərəfəsində Azərbaycan Mühəndislik Akademiyasının müxbir üzvü seçilməsi barədə diplom alıbmış.

Azərbaycandakı sürətli şarj məntəqələri avtomobillər üçün təhlükəlidir – Ekspertdən XƏBƏRDARLIQ - VİDEO

Qeyd edək ki, Cəmil Səfərov 23 oktyabr 1963-cı ildə anadan olub, 1986-cı ildə Azərbaycan Politexnik İnstitutunun mexanika fakültəsini bitirib, daha sonra “Ümumittifaq Geoloji Elmi-Tədqiqat İnstitutunun Bakı filialının aspiranturasını bitirub və 1991-ci ildə dissertasiya müdafiə edərək texnika elmləri elmi dərəcəsi alıb. 2000-ci ildə Rusiya Federasiyası Kursk Dövlət Texniki Universitetinin doktoranturasına daxil olmuş və 2018-ci ildə  Azərbaycan Milli Aviasiya Akademiyasında doktorluq dissertasiyasını müdafiə edib. O, uzun illər boyunca “Azəralüminium” MMC-nin Gəncə İstehsalat Sahəsinin rəhbəri vəzifəsində fəaliyyət göstərib, metallurgiya sahəsində çoxsaylı gənc mühəndis və mütəxəssis nəslinin yetişdirilməsində əvəzsiz xidmətləri olub. SCOPUS və WoS bazalarında indekslənmiş və digər elmi jurnallarda dərc olunmuş 150 dən artıq elmi məqalələrin və tədris-metodiki işlərin müəllifidir.

O, ali təhsil müəssisələrində professor və dosent vəzifələrində fəaliyyət göstərərək, elmi məktəblərin formalaşmasına mühüm töhfə verib.