Azərbaycanın xalq artisti vəfat etdi - FOTO - YENİLƏNİB

Xalq artisti Aleksandr Şarovski dəfn edilib.

Avtosfer.az-ın məlumatına görə, Xalq artisti İkinci Fəxri xiyabanda torpağa tapşırılıb.

***

Xalq artisti Aleksandr Şarovski ilə vida mərasimi başa çatıb.

Avtosfer.az xəbər verir ki, o, son mənzilə alqış sədaları ilə yola salınıb.

***14:26

Xalq artisti Aleksandr Şarovski ilə vida mərasimi keçirilir.

Avtosfer.az xəbər verir ki, vida mərasimi Rus Dram Teatrında baş tutur. 

Vida mərasimində mərhum sənətçinin ailə üzvləri, yaxınları, sənət dostları və ictimaiyyət nümayəndələri iştirak edirlər.

Qeyd edək ki, 78 yaşlı A. Şarovski bu gün vəfat edib. Xalq artisti İkinci Fəxri xiyabanda dəfn olunacaq.

***11:11

Xalq artisti Aleksandr Şarovski ilə vida mərasimi bu gün saat 14:30-da Rus Dram Teatrında keçiriləcək.

Avtosfer.az xəbər verir ki, bu barədə Mədəniyyət Nazirliyi məlumat yayıb.

Dəfn mərasimi isə İkinci Fəxri xiyabanda baş tutacaq.

Qeyd edək ki, 78 yaşlı A.Şarovski bu gün vəfat edib.

***10:06

Azərbaycanın Xalq artisti, rejissor və aktyor Aleksandr Şarovski vəfat edib.

Avtosfer.az xəbər verir ki, A.Şarovski Mərkəzi Klinik Xəstəxanaya yerləşdirilmişdi və tibb müəssisəsinin Reanimasiya və intensiv terapiya şöbəsində kompleks müalicə edilirdi.