Bakı-Şamaxı yolunda yük maşını alovlara büründü - VİDEO

Bakı-Şamaxı-Yevlax avtomobil yolunda yük maşınında yanğın baş verib.

Avtosfer.az xəbər verir ki, hadisə iyulun 24-də səhər saatlarında qeydə alınıb.

Belə ki, hərəkətdə olan yük avtomobilinin ön hissəsində qəfil yanğın başlayıb. İlkin məlumata görə, sürücü vaxtında avtomobildən düşə bildiyi üçün xəsarət almayıb.

Fövqəladə Hallar Nazirliyindən Avtosfer.az-ın sorğusuna cavab olaraq bildirilib ki, hadisə yerinə dərhal Dövlət Yanğından Mühafizə Xidmətinin qüvvələri cəlb olunub. Yanğınsöndürənlərin operativ müdaxiləsi nəticəsində “Mercedes” markalı yük avtomobilində baş vermiş yanğın qısa müddətdə söndürülüb.

Yanğın nəticəsində yük avtomobilinin kabinə hissəsi yanıb, nəqliyyat vasitəsinin qalan hissəsi isə yanğından mühafizə olunub.

Faktla bağlı araşdırma aparılır.

Nərmin