Bakıda 3 yaşlı uşaq 8-ci mərtəbədən yıxıldı - YENİLƏNİB

Bakıda 8-ci mərtəbədən yıxılan 3 yaşlı uşağın vəziyyəti stabildir.

Avtosfer.az xəbər verir ki, bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildiriblər. Məlumatda qeyd edilir ki, iyunun 7-də saat 00:10-da Respublika Təcili və Təxirəsalınmaz Tibbi Yardım Mərkəzində Bakı şəhəri, Xocalı prospekti, 24 A ünvanından çağırış qeydə alınıb:

"Aidiyyəti üzrə təcili tibbi yardım briqadası tərəfindən 2023-cü il təvəllüdlü uşaq (kişi cinsli) müştərək zədələnmə diaqnozu ilə Kliniki Tibbi Mərkəzə hospitalizasiya olunub.

Zəruri tibbi xidmətlər göstərilən pasiyentin müalicəsi Travmatologiya şöbəsində davam etdirilir, vəziyyəti ağır stabildir".

***11:30

Bakıda azyaşlının ağır xəsarət alması ilə nəticələnən bədbəxt hadisə baş verib.

Avtosfer.az qafqazinfo-ya istinadən xəbər verir ki, iyunun 7-si saat 01 radələrində 2023-cü il təvəllüdlü Məhəmməd Əsgərli yaşadığı Xocalı prospektində yerləşən 16 mərtəbəli binanın 8-ci mərtəbəsində yerləşən mənzilin pəncərəsindən yıxılıb.

O, binanın 2-ci mərtəbəsində olan dam örtüyünün üzərinə düşüb.

Azyaşlı dərhal xəstəxanaya çatdırılıb, vəziyyəti ağır qiymətləndirilir.

Faktla bağlı araşdırma aparılır.