Bakıda piyadalardan biri qayda pozdu, digəri isə nümunə oldu - VİDEO

Paytaxtın Ziya Bünyadov və Heydər Əliyev prospektlərinin kəsişməsində (“Koroğlu” metrosu yaxınlığında) qayda pozan və qaydalara əməl edən piyadalar avtomobilin videoregistratoruna düşüb.

Avtosfer.az-ın məlumatına görə, hadisə bir müddət əvvəl səhər saatlarında qeydə alınıb. Kadrlardan görünür ki, orta yaşlı qadın hərəkətdə olan avtomobilə məhəl qoymayaraq yolu təyin olunmamış yerdən keçib. Hadisənin baş verdiyi ərazidən bir neçə metr irəlidə piyada keçidinin olduğu videoda aydın görünür.

Digər kadrda isə qaydalara əməl edən gənc oğlan yolu keçərkən avtomobilin dayanmasını gözləyib və yalnız tam təhlükəsizlik təmin olunduqdan sonra piyada keçidindən keçib.

Qeyd edək ki, qanunvericiliyə əsasən, piyada hər zaman yalnız təyin olunmuş piyada keçidindən keçməlidir. Hərəkətdə olan avtomobillərə diqqət yetirmək və yolu keçməzdən əvvəl yaxınlaşan nəqliyyat vasitələrinin dayanmasına əmin olmaq həyati təhlükəsizlik baxımından vacibdir. Qaydalara əməl etmək həm piyada, həm də sürücü üçün qəza riskini xeyli azaldır.

Nərmin