Bakının əsas prospektlərindən birində işıqfor işləmir - VİDEO - YENİLƏNİB

Bakının əsas prospektlərindən birində işıqforun işləməməsinin səbəbi bəlli olub.

Daxili İşlər Nazirliyinin (DİN) Nəqliyyatı İntellektual İdarəetmə Mərkəzindən bildirilib ki, işıqforun özündə hər hansı problem aşkarlanmayıb:

"Qeyd olunan ünvanda svetoforların fəaliyyətində yaranmış problem texniki nasazlıqla bağlı deyil, elektrik enerjisinin kəsilməsi ilə əlaqədardır. Məsələ ilə bağlı aidiyyəti quruma məlumat verilib".

***

Bakının 8 Noyabr prospektində işıqforun işləməməsinə Daxili İşlər Nazirliyinin (DİN) Nəqliyyatı İntellektual İdarəetmə Mərkəzi münasibət bildirib.

Mərkəzdən qeyd edilib ki, məsələ ilə bağlı araşdırma aparılır:

"Əməkdaşlarımız tərəfindən səbəblər dəqiqləşdirildikdən sonra müvafiq tədbirlər görüləcək və svetoforun işi bərpa olunacaq".

***

Bakının əsas prospektlərindən birində işıqforun işləməməsi nəqliyyat vasitələrinin hərəkətində çətinlik yaradıb.

Avtosfer.az xəbər verir ki, bu barədə Oxu.Az-ın qaynar xəttinə müraciət daxil olub.

Qeyd olunub ki, bu gün səhər saatlarından 8 Noyabr prospektində işıqfor işləmir. Bu isə sürücülər üçün ciddi problem yaradır.

Problemlə bağlı aidiyyəti üzrə sorğu verilib.