Bakıxanovda maşınlara maddi ziyan vuran azyaşlı anbaan kameraya düşdü - VİDEO

Paytaxtın Sabunçu rayonu, Bakıxanov qəsəbəsində avtomobilə maddi zərər vuran azyaşlı təhlükəsizlik kamerasına düşüb.

Avtosfer.az-ın məlumatına görə, hadisə bir neçə gün əvvəl səhər saatlarında Sakit Qocayev küçəsində qeydə alınıb. Görüntüdən aydın olduğu kimi, azyaşlı park edilmiş maşını cızıb. Bu zaman yoldan keçən qadın uşağa yaxınlaşaraq əngəl olmağa çalışıb. Lakin qadın uzaqlaşdıqdan sonra azyaşlı digər avtomobilə maddi ziyan vurub. Bir müddət sonra ərazidən kənarlaşıb.

Qeyd edək ki, görüntünü sosial şəbəkə hesabında paylaşan sürücü azyaşlının 150-200 manat civarında ziyan vurduğunu bildirib. 

Nərmin