Başı söhbətə qarışan valideynlər uşağı ölüm təhlükəsi ilə üz-üzə qoydu - VİDEO

Abşeron rayonu, Masazır qəsəbəsində baş verən təhlükəli anlar avtomobilin kamerasına düşüb.

Avtosfer.az-ın məlumatına görə, hadisə mayın 26-da saat 17:21 radələrində qeydə alınıb. Kadrlardan görünür ki, qadın piyadalar azyaşlı övladları ilə birlikdə yolun hərəkət hissəsində hərəkət ediblər. Bu zaman məktəblilərdən biri yaxınlaşan avtomobilə diqqət etmədən qəfil yolun sağ tərəfinə qaçıb və son anda nəqliyyat vasitəsinin altında qalmaqdan xilas olub.

Xoşbəxtlikdən sürücünün ehtiyatlı davranması və sürəti nəzarətdə saxlaması baş verəcək qəzanın qarşısını alıb. Hadisədən sonra azyaşlının qorxudan ağladığı görünür.

Qeyd edək ki, azyaşlıların yol hərəkəti zamanı təhlükəsizliyi ilk növbədə valideynlərin məsuliyyətidir. Xüsusilə intensiv nəqliyyat axını olan ərazilərdə uşaqlar nəzarətsiz buraxılmamalı, onlara yol hərəkəti qaydaları mütəmadi şəkildə izah edilməlidir. Unutmaq olmaz ki, bir anlıq diqqətsizlik ağır faciələrlə nəticələnə bilər.

Nərmin