Bazar günləri yük avtomobillərinin hərəkətinə icazə verilməsi narazılıq doğurdu

Almaniyada Reyn çayının quruması nəqliyyatda ciddi problemlər yaradıb.

Avtosfer.az xəbər verir ki, Avropanın birinci iqtisadiyyatında yüklərin 80 faizə qədəri qatar və gəmi ilə daşınır. Çaylarda su səviyyəsinin enməsi bərələrin demək olar dayanması ilə nəticələnib.

Bunu nəzərə alaraq bəzi əyalətlər bazar və bayram günlərində yük avtomobillərinin hərəkətinə icazə verib.

Qərara münasibət fərqli olub. İş adamları bu yumşalmanı təqdir etsələr də, ekoloqlar buna qarşı çıxırlar. Almaniya Sənaye Federasiyası bildirir ki, bu yumşalma təchizat zəncirinin qiymən də olsa bərpasına kömək edəcək. Ekoloqlar isə iddia edirlər ki, bir neçə gəminin daşıdığı yükü minlərlə yük avtomobilinin daşıması ətraf mühiti daha da çirkləndirəcək. 

İqtisadçıların hesablamalarına görə Reyn çayında su səviyyəsinin enməsi Almaniya iqtisadiyyatına 1 milyard avro ziyan vurub.

14 mart 1956-cı ildən etibarən Almaniyada bazar və bayram günlərində yük avtomobillərinin hərəkəti qadağandır. Qaydanı pozan sürücü 120 avro, şirkət isə 570 avro cərimə ilə cəzalandırılır.

Vüqar