Bərdədə məktəblinin meyiti yaşadığı həyətdə aşkarlandı

Bərdə rayonunda yeniyetmənin ölümü ilə nəticələnən hadisə baş verib. Avtosfer.az-ın “Unikal”a istinadən məlumatına görə, hadisə rayonun Qaradəmirçi kəndində qeydə alınıb. Kənd sakini, 9-cu sinif şagirdi Saleh Məmmədov yaşadığı evin həyətində ölü vəziyyətdə tapılıb. Hadisə yerinə hüquq-mühafizə orqanlarının əməkdaşları cəlb olunub. Faktla bağlı araşdırma aparılır.