Bıçaqla sürücüyə hücum edən şəxsin üzünə yanğınsöndürən balon püskürdüldü - VİDEO

Türkiyənin İstanbul şəhərinin Ataşehir rayonunda yolda baş verən mübahisə hər kəsi təəccübləndirib.

Avtosfer.az xəbər verir ki, mübahisə zamanı bir sürücü, bıçaqla hədə-qorxu gələn digər sürücüyə avtomobilindəki yanğınsöndürən balon sıxaraq qarşısını kəsməyə çalışıb. Hadisə dünən səhər saatlarında, sıx hərəkət zonasında qeydə alınıb.

Məlumata görə, iki nəqliyyat vasitəsi sürücüsü yolayrıcıda bir-birlərinə yol verməkdən imtina etdikdən sonra kəskin mübahisəyə tutuşublar. Mübahisə gərginləşərək davam edib və bir sürücü əlində bıçaqla digərinə yaxınlaşıb. Bıçaqlı şəxs avtomobil pəncərəsindən rəqibinə hədə-qorxu gələn zaman, digər sürücü dərhal avtomobilindən yanğınsöndürən balonunu götürərək onu bıçaqlı şəxsin üzərinə sıxıb. Bununla da bıçaqlı şəxs geri çəkilərək öz avtomobilinə minib hadisə yerindən uzaqlaşıb.
Hadisə nəticəsində xəsarət alan olmayıb. 

Eltac Zülfüqaroğlu