Binəqədidə yoldakı təhlükəli çuxur sürücünü maddi ziyana saldı - VİDEO

Paytaxtın Binəqədi rayonu, Süleyman Sani Axundov küçəsində yolun asfalt örtüyünün yararsız vəziyyətə düşməsi kütəvi narazılığa səbəb olub.

Bu barədə sürücülərdən biri sosial şəbəkə hesabında paylaşım edərək ərazidəki təhlükəli vəziyyəti diqqətə çatdırıb. Görüntülərdən məlum olur ki, yolun hərəkət hissəsində dərin çuxur yaranıb, hətta asfalt örtüyü deşilib.

Sürücülərin sözlərinə görə, həmin çuxur nəqliyyat vasitələrinə ciddi maddi ziyan vurur, eyni zamanda qəza riski yaradır. Videonu qeydə alan şəxs də avtomobilinin təkərinə və digər hissələrinə zərər dəydiyini bildirib.

Qeyd olunur ki, xüsusilə gecə saatlarında və intensiv hərəkət zamanı sürücülər çuxuru son anda fərq etdikləri üçün təhlükəli vəziyyət yaranır. Vətəndaşlar problemin qısa müddətdə aradan qaldırılmasını, ən azından əraziyə xəbərdaredici nişanların yerləşdirilməsini vacib hesab edirlər.

Nərmin