Daha bir gənc suda boğularaq ÖLDÜ - VİDEO

Fövqəladə Hallar Nazirliyinin (FHN) "112" qaynar telefon xəttinə 6 avqust 2026-cı il tarixində Yeni Xan qızı kanalının Beyləqan rayonu, Birinci Şahsevən kəndindən keçən hissəsində 1 nəfərin batması barədə məlumat daxil olub.

Avtosfer.az bununla bağlı FHN-in Mətbuat Xidmətinə istinadən xəbər verir.

Məlumatla əlaqədar dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.

Hazırda vətəndaş - 2005-ci il təvəllüdlü Amin Zamir oğlu Əhmədovun batdığı ehtimal edilən istiqamətlərdə axtarışlar həyata keçirilir.

Əlavə məlumat veriləcək.

***09:36

Beyləqan sakini kanalda batıb.

Avtosfer.az xəbər verir ki, rayon sakini 18 yaşlı Əhmədov Amin Zamir oğlu dünən Birinci Şahsevən kəndi ərazisindən keçən “Yeni Xan Qızı” adlı beton kanalda çimərkən suda boğularaq ölüb.

Amin Əhmədovun meyitinin tapılması üçün axtarışlar davam etdirilir.

Fakt üzrə Beyləqan Rayon Prokurorluğunda araşdırma aparılır.