Daha bir ölkədə Eboladan ölüm qeydə alındı – RƏSMİ

Keniyada Ebola virusundan ilk ölüm faktı təsdiqlənib. 

Avtosfer.az BMT-nin Mətbuat xidmətinə istinadla xəbər verir ki, ölən şəxs uzun müddət Konqo Demokratik Respublikasında yaşamış Keniya vətəndaşıdır. O, Konqoda müalicə aldıqdan sonra quru yolu ilə əvvəlcə Uqandaya, sonra isə vətənə gəlib.

Nairobidə müayinə zamanı onun Ebola virusuna yoluxduğu təsdiqlənib. Həkimlərin səylərinə baxmayaraq o, oktyabrın 5-də həyatını itirib, ertəsi gün protokola uyğun şəkildə dəfn olunub. Mərhumla kontaktda olmuş 28 nəfər karantinə alınıb. 

Ümumdünya Səhiyyə təşkilatının məlumatına görə, Konqo Demokratik Respublikasında 4 mindən çox adam bu virusdan həyatını itirib. 2 minədək uşaq Ebolaya görə azı bir valideynini itirib. Artıq 4 ölkədə - Konqo Demokratik Respublikası, Uqanda, Nigeriya və Fransada Ebolaya yoluxma rəsmi təsdiq edilib.

Vüqar