“Dərnəgül”də təhlükəli anlar: Piyada az qala avtobusun altında qalırdı - VİDEO

Paytaxtın Binəqədi rayonu, “Dərnəgül” metrosunun yaxınlığında qayda pozan piyada kameraya düşüb.

Avtosfer.az-ın məlumatına görə, hadisə iyunun 21-də saat 09:34 radələrində qeydə alınıb. Görüntülərdən məlum olur ki, gənc oğlan səkidən istifadə etmək əvəzinə yolun hərəkət hissəsi ilə hərəkət edib.

Həmin vaxt 2 nömrəli müntəzəm marşrut xətti üzrə hərəkət edən avtobus döngə edərkən piyadanı vurmaq təhlükəsi ilə üzləşib. Sürücü piyadanı son anda görərək ehtiyatlı davranıb və qəzanın qarşısını alıb. Daha sonra piyada səkidən istifadə edib.

Qeyd edək ki, yol hərəkəti qaydalarına əsasən, piyadalar hərəkət üçün nəzərdə tutulmuş səki və piyada zolaqlarından istifadə etməlidirlər. Əks halda, həm özlərinin, həm də digər hərəkət iştirakçılarının həyatını təhlükə altına atmış olurlar.

Nərmin