Diplomat narkotika görə saxlanılıb

ABŞ-nin Dominikan Respublikasındakı səfirliyinin əməkdaşı Nyu-Yorka narkotik maddə - kokain keçirməyə cəhd etməkdə ittiham olunur. O, narkotikləri "Johnny Walker" viski şüşələrində, "Marlboro" siqaret bloklarında və "Choco-Pie" şirniyyat qutularında gizlədərək gömrükdən keçirməyə çalışıb. Avtosfer.az xəbər verir ki, bu barədə "The New York Post" yazır.

Məlumata görə, söhbət Xayro Eliyezer Arias Kaseres adlı şəxsən gedir. O, Dominikan Respublikasından Nyu-Yorka ekstradisiya olunub və ABŞ-yə kokain idxalı məqsədilə cinayətkar sövdələşmədə iştirak etməkdə rəsmi olaraq ittiham edilib.

İstintaq sənədlərində bildirilir ki, Kaseres bu narkotik qaçaqmalçılığı sxemini 2023-cü ilin aprelindən dekabrına qədər həyata keçirib. O, ABŞ-nin Santo Dominqodakı səfirliyində 7 il ərzində təhlükəsizlik xidməti əməkdaşı kimi çalışıb.

ABŞ prokuroru Cey Kleytanın açıqlamasına görə, Kaseres diplomatik nümayəndələri və səfirlik işçilərini qorumağa borclu olduğu halda, əksinə, insanları qeyri-qanuni narkotik maddələrlə təhlükə altına atıb.