Əks yola çıxan skuter sürücüsü qarşıdan gələnlərə qorxulu anlar yaşatdı - VİDEO

Paytaxtın Ziya Bünyadov prospektində qayda pozan skuter sürücüsü kameraya düşüb.

Avtosfer.az-ın məlumatına görə, hadisə iyulun 16-da saat 07:48 radələrində qeydə alınıb. Görüntülərdən məlum olur ki, skuter idarə edən gənc sürücü əks istiqamətli hərəkət zolağına çıxaraq yolun sağ kənarı ilə hərəkət edib. Bu təhlükəli manevr nəticəsində o, həm öz həyatını riskə atıb, həm də qarşıdan gələn nəqliyyat vasitələrinin sürücüləri üçün qəza şəraiti yaradıb.

Qeyd edək ki, yol hərəkəti qaydalarına əsasən, istənilən nəqliyyat vasitəsinin əks istiqamətli hərəkət zolağına çıxması və yolun nəzərdə tutulmayan hissəsində hərəkət etməsi yolverilməzdir. Xüsusilə yüksək sürət rejiminin tətbiq olunduğu prospektlərdə belə davranış ağır yol-nəqliyyat hadisələrinə səbəb ola bilər.

Nərmin