Əks zolağa çıxan sərnişin avtobusu qəza vəziyyəti yaratdı - VİDEO

Bakıda sərnişin avtobusunun sürücüsü təhlükəli ötmə əməliyyatı etməklə digər hərəkət iştirakçılarının həyatını riskə atıb.

Avtosfer.az-ın Oxu.az-a istinadən xəbər verir ki, hadisə Zığ şosesində qeydə alınıb.

Bildirilib ki, 103 nömrəli marşrut xətti üzrə hərəkət edən sərnişin avtobusunun sürücüsü qarşısında olan avtobusu ötmək üçün əks hərəkət zolağına çıxıb. Bu zaman qarşı istiqamətdən avtomobillərin gəlməsinə baxmayaraq təhlükəli manevrini davam etdirib.

"Maşında ailəmlə birlikdə idim. Qəzadan son anda yayına bildim. Bu cür məsuliyyətsiz sürücülərə qarşı tədbir görülməlidir", - deyə şikayətçi bildirib.

Məsələ ilə bağlı aidiyyəti quruma informasiya sorğusu göndərilib.