Evində söküntü zamanı üzərinə beton düşdü, öldü

Xaçmaz rayonunda ölümlə nəticələnən bədbəxt hadisə baş verib. Avtosfer.az “Qafqazinfo”ya istinadən xəbər verir ki, aprelin 20-si saat 20 radələrində 1986-cı il təvəllüdlü Zahid Hacılar oğlu Nağıyev yaşadığı Çinartala kəndindəki evdə hamam otağını sökərkən üzərinə beton düşüb. Xəstəxanaya yerləşdirilmiş Z.Nağıyev orada ölüb. Faktla bağlı araşdırma aparılır.