Gənc qız maşının önünə atıldı, sürücü möcüzəvi şəkildə qəzanın qarşısını aldı - VİDEO

Paytaxtın Sabunçu rayonu, Zabrat qəsəbəsində qayda pozan piyada avtomobilin kamerasına düşüb.

Avtosfer.az-ın məlumatına görə, hadisə bir müddət əvvəl günorta saatlarında Babək küçəsində qeydə alınıb. Belə ki, yolu təyin olunmamış yerdən keçən gənc qız həm özünü, həm də sürücünü təhlükəyə atıb. Videodan aydın olur ki, piyada yaxınlaşmaqda olan maşını görsə də, dayanmır, əksinə onun önünə qaçaraq qəza şəraiti yaradıb. Xoşbəxtlikdən sürücü ehtiyatlı davranaraq qəzadan son anda xilas olub.

Hadisənin baş verdiyi ərazidən bir neçə metr irəlidə piyada keçidi mövcuddur. Bu isə bir daha göstərir ki, yol hərəkəti qaydalarına riayət etmək həm piyada, həm də sürücü üçün həyati əhəmiyyət daşıyır. Təhlükəsizliyi təmin etmək üçün yol keçidlərindən istifadə etmək və sürücülərin ehtiyatlı olmasına imkan yaratmaq vacibdir.

Nərmin