Gəncədə 41 yaşlı kişi kəsici alətdən xəsarət alıb

Gəncə şəhərində 41 yaşlı kişi kəsici-deşici alətdən xəsarət alıb. Avtosfer.az-ın "Unikal"a istinadən məlumatına görə, hadisə şəhər ərazisində baş verib. 1985-ci il təvəllüdlü E. Rəsulov qarın nahiyəsinin kəsilmiş-deşilmiş xəsarəti ilə xəstəxanaya çatdırılıb. Ona dərhal tibbi yardım göstərilib. Hazırda vəziyyətinin orta-ağır olduğu bildirilir. Hadisənin hansı şəraitdə baş verdiyi hələlik məlum deyil. Faktla bağlı polis əməkdaşları tərəfindən araşdırma aparılır.