Goranboyda 34 yaşlı kişi qonşusu tərəfindən bıçaqlandı

Goranboyda 34 yaşlı kişi bıçaqlanıb. Avtosfer.az-ın "Unikal"a istinadən məlumatına görə, hadisə rayonun Nizami kəndində baş verib. Kənd sakini - 1992-ci il təvəllüdlü P.Əsgərov qarın boşluğunun kəsici-deşici alətlə xəsarəti ilə xəstəxanaya yeləşdirilib. Dərhal xəstə əməliyyat edilib, hazırda onun vəziyyətinin kafi olduğu bildirilir. Məlumata görə, 34 yaşlı kişi qonşusu tərəfindən aralarında baş verən mübahisə zamanı bıçaqlanıb. Hadisənin baş vermə səbəbləri polis əməkdaşları tərəfindən araşdırılır.