“Hamı belə faciələrdən dərs götürməlidir” – Ərşad Hüseynov sürücülərə ÇAĞIRIŞ ETDİ - VİDEO

Ərşad Hüseynov 2 gün əvvəl Xəzər rayonu Buzovna qəsəbəsində baş verən qəza ilə bağlı öz sosial şəbəkə hesabında rəy bildirib.

Avtosfer.az xəbər verir ki, nəlqiyyat məsələləri üzrə mütəxəssis, hüquqşünas Ərşad Hüseynov qəzada dünyasını dəyişən “BMW”nin sürücüsü 35 yaşlı Aydın Nəcəfovun ailəsinə səbr diləyib. Hüquqşünas cəmiyyətə çağırış edərək bildirib ki, dərsə, öyrənməyə, özünü təkmilləşdirməyə marağımız yetərincə deyil:

“Amma hər kəs heç olmasa, belə faciələrdən dərs götürməlidir.

Bu gənc də yolda təhlükəli sürətin, daha dəqiqi təhlükəli sürətlə etmək istədiyi yanlış manevrin qurbanı oldu...

Təhlükəli sürət sadəcə radara düşməyə səbəb olan yüksək sürət deyil. Təhlükəli sürət həmin yerdəki hərəkət şəraitinə uyğun olmayan sürətdir. Təhlükəli sürət etmək istədiyin manevrə uyğun olmayan sürətdir. Təhlükəli sürət idarə etdiyin avtomobilə, öz peşəkarlığına uyğun olmayan sürətdir. Təhlükəli sürət başqalarına problem yaradan, başqalarına mane olan sürətdir və s.

Həyatda hər şeyin limiti (həddi) var: avtomobilin texniki imkanlarının və təhlükəsislik səviyyəsinin də, sürücü peşəkarlığının da, hərəkət sürətinin də, hətta insanın ömrünün də. Heç bir limiti aşmaq olmaz (və ya olmur).

Deməli, həyatımızdakı limitləri (o cümlədən sürət limitini) aşaraq heç vaxt qabağa düşmək də mümkün deyil. Özünüzü qoruyun. Başqalarına da hörmətlə yanaşın”.

Səfər