İki yaşlı autizmli uşağı kameradan kənara çəkərək vurdu - VİDEO

“Brain Academy”nin Bakıxanov filialında 2 yaşlı autizm spektrli uşağa qarşı zorakılıq halı qeydə alınıb.

Avtosfer.az xəbər verir ki, uşağın valideynləri bu barədə “Baku.es”ə məlumat verib.

Şikayətçinin sözlərinə görə, sözügedən Mərkəzdə inkişafı və reabilitasiyası üçün həvalə edilən uşaq zorakılığa məruz qalıb. 

O, zorakılıqla bağlı təhlükəsizlik kamerasının görüntülərini də təqdim edib. Videoda görünür ki, müəssisə əməkdaşı uşağı kameradan kənara çəkərək başından və üzündən vurur.

“Brain Academy”dən bildirilib ki, hazırda məsələyə hüquqi qiymət verilməsi gözlənilir: “Daxili araşdırmanın nəticələrinə əsasən, hər iki əməkdaş barəsində intizam tədbirləri görülüb, onlara töhmət verilib və işdən uzaqlaşdırılmaları istiqamətində tədbirlər görülür” .

Məsələ ilə bağlı həmçinin polis tərəfindən araşdırma aparılır.

Sözügedən görüntüləri təqdim edirik: