İsmayıllıda “Hyundai” kişini vurub ÖLDÜRDÜ

İsmayıllı rayonunda ölümlə nəticələnən yol-nəqliyyat hadisəsi baş verib.

Avtosfer.az xəbər verir ki, hadisə noyabrın 3-də saat 19 radələrində Muğanlı-İsmayıllı avtomobil yolunun Tircan kəndi ərazisindən keçən hissəsində qeydə alınıb.

Belə ki, İlqar Əliyevin idarə etdiyi "Hyundai" markalı avtomobil yolu keçən 56 yaşlı Oruc Səfərovu vurub. Piyada aldığı xəsarətlərdən hadisə yerində həyatını itirib.

Faktla bağlı araşdırma aparılır.