Magistral yola qəfil çıxan inəklər sürücülərə çətin anlar yaşatdı - VİDEO

Bakı–Sumqayıt yolunda baş vermiş təhlükəli anlar kameraya düşüb.

Avtosfer.az-ın məlumatına görə, hadisə iyunun 7-də saat 15:28 radələrində qeydə alınıb. Videoda bir sürü inəyin qəfil şəkildə magistral yola çıxması əks olunur. Bu vəziyyət həmin ərazidən keçən sürücülər üçün qəza riski yaradıb və onlar təhlükəni vaxtında görərək ehtiyatlı davranıblar. 

Qeyd edək ki, qanunvericiliyə əsasən, ev heyvanlarının, xüsusilə iri buynuzlu mal-qaranın avtomobil yoluna çıxmasının qarşısı onların sahibləri tərəfindən alınmalıdır. Heyvanların nəzarətsiz şəkildə magistral yollara buraxılması yol hərəkəti təhlükəsizliyinin pozulması hesab olunur və bu kimi hallarda məsuliyyət birbaşa mal-qaranın sahibinin üzərinə düşür.

Nərmin