Masazırda “Chevrolet” keçiddən keçməyən piyadanı vurdu - VİDEO

Abşeron rayonu, Masazır qəsəbəsi, Qurtuluş-93 yaşayış kompleksində piyadanın xəsarət alması ilə nəticələnən yol-nəqliyyat hadisəsi baş verib.

Avtosfer.az-ın məlumatına görə, hadisə fevralın 12-də səhər saatlarında qeydə alınıb.

Belə ki, hərəkətdə olan, 90-YV-240 dövlət nömrə nişanlı “Chevrolet” markalı avtomobil yolu müəyyən edilməmiş yerdən keçmək istəyən qadın piyadanı vurub.

Nəticədə piyada müxtəlif dərəcəli bədən xəsarətləri alıb. Yaralı yaxınlıqdakı vətəndaşların köməyi ilə xəstəxanaya çatdırılıb.

Nərmin