Maşının qapısında gizli bölmə yaradıb narkotik daşıdılar; polis ƏMƏLİYYAT KEÇİRDİ - VİDEO

Türkiyənin İstanbul şəhərində polis əməkdaşları şübhəli görünən avtomobili saxlayıblar. 

Avtosfer.az xəbər verir ki, yoxlama zamanı nəqliyyat vasitəsində xüsusi hazırlanmış gizli mexanizm aşkarlanıb.

Məlum olub ki, avtomobilin kilid düyməsinə basıldıqda qapıda gizli bölmə açılır. Həmin bölmədən isə narkotik vasitə və 50 gülləlik daraq çıxıb.

Hadisə ilə bağlı saxlanılan sürücü polis bölməsinə aparılıb. O, barəsində aparılan istintaqdan sonra məhkəmə qərarı ilə həbs edilib.

Görüntülər sosial şəbəkələrdə yayılaraq geniş müzakirələrə səbəb olub. İstifadəçilər gizli saxlanc qurğusunun peşəkarcasına hazırlanmasına diqqət çəkib və bu cür halların təhlükəliliyini vurğulayıblar.

Eltac Zülfüqaroğlu