Mən məcbur deyiləm sənin uşağının səsini eşidim - AVTOBUSDA DAVA - VİDEO

Bakıda ictimai nəqliyyatda baş verən hadisə sosial şəbəkələrdə geniş müzakirələrə səbəb olub.

Avtosfer.az xəbər verir ki, paytaxtda hərəkətdə olan avtobuslardan birində sərnişinlər arasında mübahisə yaşanıb. Belə ki, avtobusda ağlayan uşağın səsinə etiraz edən qadın onun nəqliyyat vasitəsindən düşürülməsini tələb edib.

Hadisə zamanı digər sərnişinlər qadının bu tələbinə qarşı çıxaraq etirazlarını bildiriblər. Onlar uşağın və valideyninin avtobusdan düşürülməsinin düzgün olmadığını vurğulayıblar.

Sözügedən anlar sərnişinlərdən biri tərəfindən lentə alınaraq sosial şəbəkələrdə paylaşılıb. Qısa müddətdə yayılan görüntülər istifadəçilər tərəfindən birmənalı qarşılanmayıb və hadisə geniş tənqid olunub.

İctimaiyyət nümayəndələri qeyd edirlər ki, belə hallarda daha anlayışlı davranmaq və xüsusilə azyaşlılara qarşı həssas yanaşmaq vacibdir. Hadisə ilə bağlı rəsmi qurumların mövqeyi açıqlanmayıb.

Eltac Zülfüqaroğlu