Mingəçevirdə avtomobil qadını vurub xəstəxanalıq etdi - VİDEO

Mingəçevir şəhərində piyadanın vurulması ilə nəticələnən yol-nəqliyyat hadisəsi baş verib.

Avtosfer.az-ın məlumatına görə, qəza oktyabrın 1-də səhər saatlarında Nəriman Nərimanov küçəsində qeydə alınıb. Belə ki, hərəkətdə olan “Nissan” markalı avtomobilin sürücüsü yolu keçən orta yaşlı qadını vurub.

Hadisə nəticəsində piyada müxtəlif dərəcəli bədən xəsarətləri alıb. Əraziyə təcili tibbi yardım briqadası cəlb olunub. Yaralıya ilkin tibbi yardım göstərildikdən sonra o, xəstəxanaya yerləşdirilib.

Faktla bağlı araşdırma aparılır.

Nərmin