Motosikletçi azyaşlı uşaqları ilə yolu keçən qadına görün necə kömək etdi - VİDEO

Sosial şəbəkədə yayılan videoda motosiklet sürücüsünün nümunəvi davranışı ilə diqqət çəkib.

Avtosfer.az-ın məlumatına görə, hadisə bir neçə gün əvvəl axşam saatlarında paytaxtın Nərimanov rayonunda qeydə alınıb.

Kadrlardan görünür ki, motosiklet sürücüsü nizamlanmayan piyada keçidindən yolu keçmək istəyən qadını və onun azyaşlı övladlarını görərək dayanır. Lakin digər avtomobillərin sürücüləri piyada keçidinə yaxınlaşmalarına baxmayaraq, hərəkətlərini davam etdirirlər.

Buna etiraz edən motosikletçi əli ilə digər sürücülərə xəbərdarlıq edir. Ancaq onun işarəsinə məhəl qoyulmadığını görən sürücü səsini ucaldaraq avtomobil idarə edənlərdən piyadalara yol vermələrini istəyir. Bundan sonra avtomobillər dayanır və qadın uşaqları ilə birlikdə yolu keçir.

Qadın ona yol verilməsinə kömək edən motosiklet sürücüsünə təşəkkürünü bildirir. Daha sonra digər piyadalar da keçiddən istifadə edərək yolu keçirlər.

Nərmin