Müəllimi motosikletlə vurub günahı onun üstünə yıxmağa çalışdı – 1,7 milyon istəyir - VİDEO

Yeniyetmə motosikletçi təqaüdçü müəllimi vuraraq günahı onun üstünə yıxmağa çalışıb.

Avtosfer.az xəbər verir ki, hadisə Buryatiya Respublikasında baş verib. Məlumata görə, 15 yaşlı yeniyetmə motosikletlə Rusiyanın Əməkdar müəllimi olan 75 yaşlı təqaüdçü qadını vurub.

Məhkəmə iclası zamanı yeniyetmənin ailəsi və vəkilləri (müdafiə tərəfi) zərərçəkmiş yaşlı qadını günahlandırmağa çalışıblar. Müdafiə tərəfinin iddialarına görə, 75 yaşlı təqaüdçü müəllim guya sırf "motosikletçiləri şərləmək və onlara tələ qurmaq üçün" qəsdən özünü hərəkətdə olan nəqliyyat vasitəsinin qarşısına atıb.

Hadisə nəticəsində təqaüdçü qadın çoxsaylı sınıq xəsarətləri alıb. Qəzanın üzərindən xeyli vaxt keçməsinə baxmayaraq, yaşlı müəllim hələ də xəstəxanada uzunmüddətli reabilitasiya kursu keçir və sağlamlığını bərpa edə bilmir.

Zərərçəkmiş tərəf və onun ailəsi yeniyetmənin valideynlərindən dəymiş mənəvi və fiziki ziyana görə 1,7 milyon rubl kompensasiya tələb edir.

Namiq Musayev