“Nissan” sürücüsündən nümunəvi davranış - Son anda faciənin qarşısını aldı - VİDEO

Paytaxtın Heydər Əliyev prospektində sürücünün təqdirəlayiq davranışı avtomobilin kamerasına düşüb.

Avtosfer.az-ın məlumatına görə, hadisə mayın 14-də saat 12:19 radələrində qeydə alınıb. Kadrlardan göründüyü kimi, piyada yolu təyin olunmamış yerdən keçərək həm özünü, həm də hərəkətdə olan sürücüləri təhlükəyə atıb.

Bu zaman öndə hərəkətdə olan “Nissan” markalı avtomobilin sürücüsü vəziyyəti dərhal qiymətləndirərək arxadan gələn nəqliyyat vasitələrinə əl işarəsi ilə xəbərdarlıq edib. O, digər sürücüləri yolda yaranan təhlükə barədə məlumatlandıraraq sürətin azaldılmasına şərait yaradıb və baş verəcək bədbıxt hadisənin qarşısını alıb.

Görüntülərdə motosiklet sürücüsünün də yol hərəkəti qaydalarını pozduğu müşahidə olunur. Belə ki, o, qarşıdakı avtomobilə məhəl qoymadan manevr edərək önünə keçib. Xoşbəxtlikdən qəza baş verməyib. 

Nərmin