Ölən qadının borclarını 9 yaşlı uşaq ödəyəcək - Məhkəmədən ŞOK QƏRAR

Rusiyanın Tümen vilayətində məhkəmə 9 yaşlı uşaqla bağlı qalmaqallı qərar qəbul edib. Avtosfer.az xəbər verir ki, Kazanski rayon məhkəməsi üç bankın iddiasını qismən təmin edərək azyaşlı qızın üzərinə vəfat etmiş anasının 171 min rubl borcunu ödəmək öhdəliyi qoyub. Bu məbləğ uşağa anasından qalan bütün mirasın dəyərinə bərabərdir.

Xanım sürücü qazla tormozu səhv salıb 13 yaşlı uşağı vurdu - VİDEO

Məlumata görə, uşağın anası 2023–2024-cü illər ərzində müxtəlif banklardan ümumilikdə 370 min rubl məbləğində kredit götürüb. Lakin 2024-cü ilin dekabrında qadının qəfil vəfatı səbəbindən borclar tam ödənilməmiş qalıb.

İlkin olaraq banklar iddianı vəfat edən qadının valideynlərinə qarşı qaldırsalar da, onlar varislikdən nəvələrinin xeyrinə imtina etdiklərini bildirərək borcu tanımaqdan imtina ediblər. Qızın atası (anası ilə nikahda olmayan) isə məhkəmədə borcu yalnız mirasın dəyəri həcmində tanıdığını bildirib.

Ümumi borc 365 min rubl olsa da, Rusiya qanunvericiliyinə görə varislər borcları yalnız onlara çatan mirasın dəyəri həcmində ödəməyə borcludurlar. Beləliklə, 9 yaşlı qızın anasından qalan bütün mirası banklar tərəfindən müsadirə olunacaq.

Namiq Musayev