“Pepsi”nin maşını binanın fasadını uçurub aradan çıxdı - FOTOSESSİYA

Paytaxtın Yasamal rayonu, İnşaatçılar prospektində sürücünün məsuliyyətsizliyi tarixi binanın fasadına ziyan vurulması ilə nəticələnib.

Avtosfer.az xəbər verir ki, “ISUZU” markalı 77-JF-916 nömrə nişanlı yük avtomobili məhəlləyə daxil olarkən giriş hissəsində yerləşən arxitektur elementlərdən birinə çırpılıb. Nəticədə arkanın bir hissəsi dağılıb və tikiliyə zərər dəyib.

Hadisədən sonra sürücünün ərazidən uzaqlaşıb.

Məhəllə sakinləri bildirirlər ki, sözügedən tikili tarixi əhəmiyyətə malikdir və bu kimi halların qarşısının alınması üçün məhəlləyə ağırtonnajlı yük avtomobillərinin girişinə məhdudiyyət qoyulmalıdır. Onların sözlərinə görə, nəzarətsiz hərəkət edən iritonnajlı nəqliyyat vasitələri tarixi binalara ciddi ziyan vurmaq riskini artırır və bu, şəhər mühitinin qorunması baxımından narahatlıq doğurur.

Eltac