Polis sərxoş azərbaycanlı sürücünü deportasiya etmək istədi, məhkəmə MANE OLDU

Qazaxıstanın kassasiya məhkəməsi Azərbaycan vətəndaşının deportasiyası işi ilə bağlı qərar verib.

Avtosfer.az xəbər verir ki, polis Q. adlı Azərbaycan vətəndaşının dəfələrlə qayda pozduğunu, sərxoş vəziyyətdə maşın sürdüyünü və narkotik vasitələrdən istifadə etdiyini əsas gətirərək deportasiya edilməsi üçün məhkəməyə mçüraciət edib. 

Birinci instansiya məhkəməsi polisin iddiasını təmin etdiyi üçün azərbaycanlı qərardan kassasiya şikayəti verib.

Kassasiya məhkəməsi Azərbaycan vətəndaşının xeyrinə qərar çıxarıb. Qərarda göstərilir ki, deportasiya üçün başqa şərtlər də nəzərə alınmalıdır. İstintaq materiallarında göstərilir ki, təqsirləndirilən şəxs Qazaxıstanda qanuni şəkildə yaşayır və biznes fəaliyyəti ilə məşğuldur. O, ticarət-sənaye kompleksi inşa etdirir, ən əsası isə 2030-cu ilədək dövlətə torpaq sahəsinə görə 14 milyon təngə ödəməlidir.

Məhkəmə həmçinin, şahidlərin təqsirləndirilən şəxs barədə müsbət rəylərini nəzərə alaraq kassasiya şikayətini təmin edib və Azərbaycan vətəndaşının ölkədə qalmasına icazə verib.

Vüqar