Qaradağda qanlı dava: İki qardaş bıçaqlandı - YENİLƏNİB

Qaradağ rayonu, Qızıldaş qəsəbəsində iki nəfərin bıçaqlanması ilə nəticələnən hadisəni törətməkdə şübhəli bilinən şəxsin axtarışları aparılır.

Bu barədə Avtosfer.az-a DİN-in Mətbuat Xidmətinin əməkdaşı, polis leytenantı Lumu İsrəfilli bildirib.

Qeyd olunub ki, paytaxtın Qaradağ rayonunda iki nəfərə kəsici-deşici alətlə xəsarət yetirilməsi barədə polisə məlumat daxil olub.

Əməli törətməkdə şübhəli bilinən şəxsin saxlanılması istiqamətində tədbirlər görülür. Hadisə ilə bağlı əlavə məlumat veriləcək.

***

Bakıda iki qardaş arasında yaranan mübahisə qanlı insidentlə nəticələnib.

Avtosfer.az Bakupost.az-a istinadən xəbər verir ki, hadisə Qaradağ rayonu, Qızıldaş qəsəbəsində baş verib.

İlkin məlumata görə, 2002-ci il təvəllüdlü Fərid Elman oğlu Mustafayevlə qardaşı, 2009-cu il təvəllüdlü Elnur Elman oğlu Mustafayev arasında mübahisə düşüb. Münaqişə nəticəsində hər iki şəxs bir-birini bıçaqlayıb.

Yaralılar təcili tibbi yardım vasitəsilə xəstəxanaya çatdırılıb və dərhal cərrahi əməliyyata alınıblar. Onların vəziyyətlərinin ağır olduğu bildirilir.

Faktla bağlı hüquq-mühafizə orqanları tərəfindən araşdırma aparılır.